Die Roete: Sterstof tot Sigoot

Is die aarde nie net maar ’n poort,
’n roete wat ons moet volg,
’n pad wat ons moet loop
van sterstof tot sigoot:
gebore om weer te sterf,
van stof tot stof vergaan...

sodat ons kan gaan sit
aan die voete van God
as ons die toets deurstaan
en aan sy vereistes voldoen het?

Om die ewige lewe te beërwe
sal ons hierdie siklus
volhardend volg,
liggaam, siel en gees offer,

ter verheerliking van Hom!